Sri Bhaini Sahib

Official website of central religious place for Namdhari Sect
RiseSet
06:58am06:19pm

News updates

  • Satguru Ji returning Sri Bhaini Sahib

    Date: 26 Oct 2010

    His Holiness Sri Satguru Jagjit Singh Ji visited Satguru Partap
    Singh Apollo Hostpital for a scheduled routine checkup. As per
    doctors, Satguru Ji is in good health and return to Sri Bhaini Sahib is scheduled for today evening.

  • ਸ੍ਰੀ ਭੈਣੀ ਸਾਹਿਬ ਵਿਖੇ ਚੌਪਈ ਦੇ ਪਾਠ 23 ਤੋਂ 30 ਦਸੰਬਰ ਤੱਕ ਹੋਣਗੇ

    Date: 26 Oct 2010

    ਮੇਲੇ ਸਮੇਂ ਦਿੱਤੀ ਜਾਣਕਾਰੀ ਅਨੁਸਾਰ ਹਾਜ਼ਰਾ ਹਜ਼ੂਰ ਸ੍ਰੀ ਸਤਿਗੁਰੂ ਜਗਜੀਤ ਸਿੰਘ ਜੀ
    ਦੀ ਦੇਹ ਅਰੋਗਤਾ ਅਤੇ ਚੜ੍ਹਦੀ ਕਲਾ ਲਈ ਚੌਪਈ ਦੇ ਪਾਠ ਸ੍ਰੀ ਭੈਣੀ ਸਾਹਿਬ ਵਿਖੇ 23
    ਤੋਂ 30 ਦਸੰਬਰ 2010 ਤੱਕ ਕੀਤੇ ਜਾਣਗੇ। ਜਿਵੇਂ ਸਾਧ ਸੰਗਤ ਨੇ ਫਰਵਰੀ 2010 ਵਿੱਚ
    ਚੰਡੀ ਦੀ ਵਾਰ ਦੇ ਪਾਠ ਕੀਤੇ ਸਨ, ਉਸੇ ਤਰ੍ਹਾਂ ਹੀ ਸੁੱਚ ਸੋਧ ਦੇ ਧਾਰਨੀ ਹੋ ਕੇ ਅਤੇ ਪੂਰਨ

    ਮਰਯਾਦਾ ਅਨੁਸਾਰ ਹੀ ਚੌਪਈ ਦੇ ਪਾਠ 24 ਘੰਟੇ ਲਗਾਤਾਰ ਕੀਤੇ ਜਾਣਗੇ। ਇਹਨਾਂ
    ਪਾਠਾਂ ਵਿੱਚ ਉਹੀ ਪਾਠੀ ਸਿੰਘ ਭਾਗ ਲੈਣਗੇ ਜੋ 23 ਤੋਂ 30 ਦਸੰਬਰ ਤੱਕ ਸ੍ਰੀ ਭੈਣੀ ਸਾਹਿਬ
    ਪੂਰਾ ਸਮਾਂ ਰਹਿਣਗੇ। ਦੇਸ਼ ਵਿਦੇਸ਼ ਤੋਂ ਆਉਣ ਵਾਲੇ ਸਿੰਘ ਆਪਣੇ

    ਆਉਣ ਸੰਬਧੀ ਸੂਚਨਾ ਪਹਿਲਾਂ ਹੀ ਸ੍ਰੀ ਭੈਣੀ ਸਾਹਿਬ ਪ੍ਰਬਧਕਾਂ ਨੂੰ ਭੇਜਣ ਤਾਂ ਜੋ ਉਹਨਾਂ

    ਲਈ ਯੋਗ ਪ੍ਰਬਧ ਕੀਤੇ ਜਾ ਸਕਣ। ਚੌਪਈ ਦੇ ਪਾਠਾਂ ਵਿੱਚ ਹਿੱਸਾ ਪਾਉਣ ਵਾਲੇ ਪਾਠੀ

    ਸਿੰਘ 21 ਦਸੰਬਰ ਸ੍ਰੀ ਭੈਣੀ ਸਾਹਿਬ ਜ਼ਰੂਰ ਪਹੁਚਣ ਤਾਂ ਜੋ ਉਹਨਾਂ ਦਾ ਪਾਠ ਸ਼ੁੱਧ ਅਤੇ

    ਮਰਯਾਦਾ ਬਾਰੇ ਪੂਰਨ ਜਾਣਕਾਰੀ ਦਿੱਤੀ ਜਾ ਸਕੇ।

    ਵਧੇਰੇ ਜਾਣਕਾਰੀ ਲਈ ਹੇਠਲੇ ਨੰਬਰਾਂ ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ:
    ਮਾਸਟਰ ਦਰਸ਼ਨ ਸਿੰਘ ਜੀ (+91-9872730098)
    ਸੰਤ ਨਿਸ਼ਾਨ ਸਿੰਘ ਜੀ (+91-9463246448)

  • ਸਮੁੱਚੇ ਨਾਮਧਾਰੀ ਪੰਥ ਦੀ ਸ੍ਰੀ ਸਤਿਗੁਰੂ ਜਗਜੀਤ ਸਿੰਘ ਜੀ ਦੇ ਪਾਵਨ ਚਰਨਾਂ ਵਿੱਚ ਅਰਜ਼

    Date: 10 Oct 2010

    ਅੱਜ ਸ੍ਰੀ ਭੈਣੀ ਸਾਹਿਬ ਵਿਖੇ ਦੁਪਹਿਰ ਦੇ ਨਾਮ ਸਿਮਰਨ ਉਪਰੰਤ ਜੱਪ ਪ੍ਰਯੋਗ ਵਿੱਚ ਹਿੱਸਾ ਲੈ ਰਹੀ ਸਮੁੱਚੀ ਸਾਧ ਸੰਗਤ ਵੱਲੋਂ ਸੰਤ ਜਗਤਾਰ ਸਿੰਘ ਜੀ ਦੀ ਅਗਵਾਈ ਵਿੱਚ ਸ੍ਰੀ ਸਤਿਗੁਰੂ ਜਗਜੀਤ ਸਿੰਘ ਜੀ ਦੇ ਪਾਵਨ ਚਰਨਾਂ ਵਿੱਚ ਸਨਮੁੱਖ ਹਾਜਰ ਹੋ ਹੱਥ ਜੋੜ ਪੰਥਕ ਅਰਜ ਕੀਤੀ ਗਈ ਕਿ "ਗਰੀਬ ਨਿਵਾਜ ਸ੍ਰੀ ਸਤਿਗੁਰੂ ਜੀਓ ਆਪ ਜੀ ਬਖਸ਼ਿਸ਼ ਕਰੋ ਸਾਡੀਆਂ ਭੁੱਲਾਂ ਨੂੰ ਬਖਸ਼ਦੇ ਹੋਏ ਸਾਡੇ ਔਗਣਾਂ ਨੂੰ ਨਾ ਚਿਤਾਰਦੇ ਹੋਏ ਆਪ ਜੀ ਆਪਣੀ ਸਿਹਤ ਪਹਿਲਾਂ ਵਾਂਗ ਹੀ ਤੰਦਰੁਸਤ ਅਤੇ ਅਰੋਗ ਰੱਖਣ ਦੀ ਕ੍ਰਿਪਾ ਕਰੋ।" ਸਾਰਾ ਹਰੀ ਮੰਦਰ ਸਾਧ ਸੰਗਤ ਦੇ ਇੱਕਠ ਨਾਲ ਖਚਾ-ਖੱਚ ਭਰਿਆ ਹੋਇਆ ਸੀ। ਇਸ ਸਮੇਂ ਹਰੀ ਮੰਦਰ ਦਾ ਸਮੁੱਚਾ ਮਾਹੌਲ ਵੈਰਾਗ ਮਈ ਹੋ ਉਠਿਆ।

  • ਗੁਰਮੁਖੀ ਸਰੂਪ ਵਿਚ ਹੀ ਸਤਿਜੁਗ ਨੂੰ ਤਸਵੀਰਾਂ ਭੇਜੀਆਂ ਜਾਣ

    Date: 20 Sep 2010

    ਸਤਿਜੁਗ ਨਾਮਧਾਰੀ ਪੰਥ ਦਾ ਪਰਚਾ ਹੈ ਇਹ ਅਖਬਾਰ ਪਿਛਲੇ ੯੦ ਕੁ ਸਾਲਾਂ ਤੋਂ ਗੁਰਮਤ ਗੁਰਸਿਖੀ ਰਹਿਤ ਮਰਯਾਦਾ, ਗੁਰਇਤਿਹਾਸ, ਸਿਖੀ ਸਰੂਪ, ਬਾਣੇ ਆਦਿ ਸੰਬੰਧੀ ਪਾਠਕਾਂ ਨੂੰ ਜਾਣਕਾਰੀ ਦਿੰਦਾ ਰਹਿੰਦਾ ਹੈ। ਸਿੱਖੀ ਰਹਿਤ ਮਰਯਾਦਾ ਦੇ ਪ੍ਰਚਾਰ ਪਸਾਰ ਵਿੱਚ ਇਸ ਦਾ ਠੋਸ ਯੋਗਦਾਨ ਹੈ। ਸਤਿਗੁਰੂ ਸੱਚੇ ਪਾਤਸ਼ਾਹ ਜੀ ਦੇ ਹੁਕਮ ਅਤੇ ਉਪਦੇਸ਼ਾਂ ਨੂੰ ਇਸ ਵਿਚ ਵਿਸ਼ੇਸ਼ ਥਾਂ ਦਿੱਤੀ ਜਾਂਦੀ ਹੈ। ਇਸ ਵਿਚ ਤਸਵੀਰਾਂ ਛਪਦੀਆਂ ਹਨ। ਹਰ ਪਾਠਕ ਦਾ ਪਹਿਲਾ ਧਿਆਨ ਤਸਵੀਰ ਉਤੇ ਹੀ ਜਾਂਦਾ ਹੈ। ਸਤਿਗੁਰੂ ਸਾਹਿਬਾਨ ਦੀਆਂ ਤਸਵੀਰਾਂ ਉਹਨਾਂ ਅੰਦਰ ਸ਼ਰਧਾ ਸਤਿਕਾਰ ਪੈਦਾ ਕਰਦੀਆਂ ਹਨ ਅਤੇ ਗੁਰਸਿੱਖਾਂ ਦੀਆਂ ਸਿਖੀ ਪ੍ਰਤੀ ਪਿਆਰ। ਕਈ ਪਾਠਕਾਂ ਨਾਲ ਗੱਲ ਕਰਦਿਆਂ ਪਤਾ ਲਗਦਾ ਹੈ ਕਿ ਉਹ ਵਿਦੇਸ਼ਾਂ ਵਿਚ ਵਧ ਫੁੱਲ ਰਹੀ ਸਿੱਖੀ ਨੂੰ ਤਸਵੀਰਾਂ ਰਾਹੀਂ ਸਾਕਾਰ ਦੇਖਦੇ ਹਨ। ਸਾਬਤ ਸੂਰਤ ਸਿੱਖ ਦੀ ਤਸਵੀਰ ਗੁਰਮੁਖੀ ਬਾਣੇ ਵਿਚ ਗੁਰਸਿਖਾਂ ਦੀ ਤਸਵੀਰ ਉਹਨਾਂ ਨੂੰ ਉਤਸ਼ਾਹ ਦਿੰਦੀ ਹੈ। ਸਤਿਜੁਗ ਦਫਤਰ ਲਈ ਉਦੋਂ ਦੁਚਿਤੀ ਦੀ ਅਵਸਥਾ ਪੈਦਾ ਹੋ ਜਾਂਦੀ ਹੈ ਜਦੋਂ ਕੋਈ ਤਸਵੀਰ ਸਹੀ ਗੁਰਮੁਖੀ ਸਰੂਪ ਵਿਚ ਨਹੀਂ ਹੁੰਦੀ। ਇਹ ਕਮੀ ਗੁਰਸਿਖੀ ਬਾਣਾ ਨਾ ਹੋਣ ਦੀ ਹੋ ਸਕਦੀ ਹੈ ਜਾਂ ਕੇਸ ਦਾੜ੍ਹੀ ਤੇ ਦਸਤਾਰ ਸਹੀ ਨਾ ਹੋਣ ਦੀ। ਰਿਪੋਰਟਾਂ ਅਤੇ ਖਬਰਾਂ ਨਾਲ ਤਸਵੀਰਾਂ ਭੇਜਣ ਵਾਲੇ ਸੱਜਣ ਐਸੀ ਤਸਵੀਰ ਭੇਜਣ ਬਾਰੇ ਦੁਬਾਰਾ ਸੋਚਣ ਜਿਸ ਵਿਚ ਕਿਸੇ ਗੁਰਸਿੱਖ ਦੇ ਕੇਸ ਪੂਰੇ ਠੀਕ ਨਹੀਂ, ਦਾੜ੍ਹੀ ਨਾਲ ਛੇੜਛਾੜ ਕੀਤੀ ਹੈ ਜਾਂ ਦਾੜ੍ਹੀ ਬੱਧੀ ਹੋਈ ਹੈ। ਤਸਵੀਰ ਵਾਲੇ ਅੰਦਰ ਦੀ ਭਾਵਨਾ ਤਾਂ ਸ਼ਾਇਦ ਪੂਰੀ ਸਮਝ ਨਾ ਆਉਂਦੀ ਹੋਵੇ ਪਰ ਸਹੀ ਤਸਵੀਰ ਨਾ ਹੋਣਾ ਸਤਿਜੁਗ ਵਿਚ ਐਸੀ ਤਸਵੀਰ ਛਾਪਣ ਸਮੇਂ ਦਿਕਤ ਪੈਦਾ ਹੋ ਸਕਦੀ ਹੈ।

  • ਦਿੱਲੀ ਦੀ ਸਾਧ ਸੰਗਤ ਵਲੋਂ ਜਪ ਪ੍ਰਯੋਗ

    Date: 20 Sep 2010

    ਦਿੱਲੀ ਦੀ ਸਾਧ ਸੰਗਤ ਵਲੋਂ ਇਹ ਅੱਸੂ ਦੇ ਮਹੀਨੇ ਦਾ ਜਪ ਪ੍ਰਯੋਗ ਅੱਜ ੧੩ ਸਤੰਬਰ ਤੋਂ ਨਾਮਧਾਰੀ ਗੁਰਦੁਆਰਾ ਰਮੇਸ਼ ਨਗਰ ਵਿਚ ਆਰੰਭ ਕੀਤਾ ਗਿਆ। ਅੰਮ੍ਰਿਤ ਵੇਲੇ ੪ ਵਜੇ ਮਹੰਤ ਗੁਰਦੇਵ ਸਿੰਘ ਨੇ ਅਰਦਾਸ ਕੀਤੀ। ਧੂਪ, ਦੀਪ, ਕੁੰਭ, ਸਮਗਰੀ ਸੰਯੁਕਤ ਆਰੰਭ ਹੋਏ ਇਸ ਜਪ ਪ੍ਰਯੋਗ ਵਿਚ ਸਾਧ ਸੰਗਤ ਵਧ ਚੜ੍ਹ ਕੇ ਹਿੱਸਾ ਲੈ ਰਹੀ ਹੈ। ਰੋਜ਼ਾਨਾ ਸਿੰਘਾਂ, ਮਾਈਆਂ ਅਤੇ ਬੱਚਿਆਂ ਦੀ ਗਿਣਤੀ ੭੫੦-੮੦੦ ਦੇ ਕਰੀਬ ਹੁੰਦੀ ਹੈ। ਚਾਰ ਵਜੇ ਤੋਂ ੬ ਵਜੇ ਤਕ ਹੁੰਦੇ ਇਸ ਪ੍ਰਯੋਗ ਵਿਚ ਆਸਾ ਦੀ ਵਾਰ ਦਾ ਕੀਰਤਨ ਰਾਗੀ ਸਿੰਘਾਂ ਵਲੋਂ ਕੀਤਾ ਜਾਂਦਾ ਹੈ। ਅੱਜ ਆਸਾ ਦੀ ਵਾਰ ਦਾ ਕੀਰਤਨ ਰਾਗੀ ਤਰਲੋਚਨ ਸਿੰਘ, ਮਨਜੀਤ ਸਿੰਘ ਰਾਗੀ ਅਤੇ ਸੰਤ ਦਰਸ਼ਨ ਸਿੰਘ ਨੇ ਕੀਤਾ। ਸਾਧ ਸੰਗਤ ਰਸਨਾ ਨਾਲ ਚੌਅੱਖਰੇ ਦਾ ਜਾਪ ਕਰਦੀ ਹੈ ਅਤੇ ਕੰਨਾਂ ਦੁਆਰਾ ਗੁਰੂ ਨਾਨਕ ਦੇਵ ਜੀ ਦੀ ਉਚਾਰੀ ਬਾਣੀ ਆਸਾ ਦੀ ਵਾਰ ਦਾ ਕੀਰਤਨ ਸੁਣਕੇ ਆਪਣੇ ਜੀਵਨ ਦੀਆਂ ਕੁਝ ਘੜੀਆਂ ਸਤਿਗੁਰੂ ਦੇ ਲੇਖੇ ਲਾਉਂਦੀ ਹੈ। ਮਹੀਨਾ ਭਰ ਇਹ ਪ੍ਰਵਾਹ ਏਸੇ ਤਰ੍ਹਾਂ ਹੀ ਚਲਦਾ ਰਹੇਗਾ।

  • ਵੈਨਕੂਵਰ (ਕਨੇਡਾ) ਵਿਖੇ ਨੌਜਵਾਨਾਂ ਵਲੋਂ ਹਵਨ

    Date: 13 Sep 2010

    ਵੈਨਕੂਵਰ-ਸ੍ਰੀ ਸਤਿਗੁਰੂ ਜਗਜੀਤ ਸਿੰਘ ਜੀ ਦੀ ਦੇਹ ਅਰੋਗਤਾ ਅਤੇ
    ਚੜ੍ਹਦੀ ਕਲਾ ਲਈ ਇਥੋਂ ਦੇ ਨੌਜਵਾਨਾਂ ਵਲੋਂ ਸੰਤ ਬਲਕਾਰ ਸਿੰਘ ਦੀ ਦੇਖ-ਰੇਖ
    ਅਤੇ ਸੂਬਾ ਬਲਬੀਰ ਸਿੰਘ ਦੀ ਅਗਵਾਈ ਹੇਠ ਪੂਰਨ ਗੁਰ-ਮਰਯਾਦਾ ਅਨੁਸਾਰ
    ਇੱਕ ਹਵਨ ਕੀਤਾ ਗਿਆ। ਇਹ ਹਵਨ ਸਰਬ ਸੰਤ ਗੁਰਨਾਮ ਸਿੰਘ, ਭੁਪਿੰਦਰ
    ਸਿੰਘ, ਸਰਬਜੀਤ ਸਿੰਘ ਮਠਾੜੂ, ਹਰਵਿੰਦਰ ਸਿੰਘ ਭੱਟੀ, ਦਰਸ਼ਨ ਸਿੰਘ
    ਮਠਾੜੂ, ਬਸੰਤ ਸਿੰਘ ਚਾਨਾ ਅਤੇ ਕਾਕਾ ਮਹਾਂ ਸਿੰਘ ਸੀਹਰਾ ਨੇ ਕੀਤਾ। ਸੰਤ
    ਬਲਕਾਰ ਸਿੰਘ ਨੇ ਇਹਨਾਂ ਸ਼ੁੱਧ ਗੁਰਬਾਣੀ ਦਾ ਪਾਠ ਅਤੇ ਮਰਯਾਦਾ ਅਨੁਸਾਰ
    ਹਵਨ ਕਰਨ ਦੀ ਵਿਧੀ ਦੱਸੀ। ਹਵਨ ਉਪਰੰਤ ਇੱਕ ਸ਼ਬਦ ਪੜ੍ਹਿਆ ਗਿਆ।
    ਸੂਬਾ ਬਲਬੀਰ ਸਿੰਘ ਨੇ ਸ੍ਰੀ ਸਤਿਗੁਰੂ ਜੀ ਦਾ ਕੋਟਾਨ-ਕੋਟ ਧੰਨਵਾਦ ਕੀਤਾ,
    ਜਿਨ੍ਹਾਂ ਦੀ ਬਖ਼ਸ਼ਸ਼ ਨਾਲ ਇਹ ਕਾਰਜ ਸੰਪੂਰਨ ਹੋਇਆ ਹੈ। ਉਹਨਾਂ ਸੰਤ
    ਬਲਕਾਰ ਸਿੰਘ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੌਜਵਾਨਾਂ ਸ਼ੁੱਧ ਗੁਰਬਾਣੀ ਪਾਠ
    ਅਤੇ ਹਵਨ ਦੀ ਮਰਯਾਦਾ ਬਾਰੇ ਦੱਸਿਆ ਹੈ। ਸੂਬਾ ਜੀ ਨੇ ਕਿਹਾ ਕਿ ਇਹਨਾਂ
    ਨੌਜਵਾਨਾਂ ਨੇ ਹੀ ਸਿੱਖੀ ਦਾ ਭਾਰ ਆਪਣੇ ਮੋਢਿਆਂ ਤੇ ਚੁੱਕਣਾ ਹੈ, ਜਦੋਂ ਇਨ੍ਹਾਂ ਦੀ
    ਨੀਂਹ ਪੱਕੀ ਹੋਵੇਗੀ ਤਾਂ ਸਿੱਖੀ ਹੋਰ ਪੱਕੀ ਹੋਵੇਗੀ। ਇਸ ਸਮੇਂ ਸੰਗਤ ਵੱਡੀ
    ਗਿਣਤੀ ਵਿੱਚ ਪਹੁੰਚੀ ਹੋਈ ਸੀ। ਸਕੱਤਰ ਸੁਰਿੰਦਰ ਸਿੰਘ ਕੰਗ ਨੇ ਆਈ ਸਾਧ
    ਸੰਗਤ ਦਾ ਧੰਨਵਾਦ ਕੀਤਾ।

  • The Purest of all - Khoya Burfi

    Date: 14 Aug 2010

    HOME TO the Namdhari Sikhs, Bhaini Sahib is also famous for its delicious khoya burfi. Navleen Lakhi looks into the lucrative local business.

    The Purest of all - Khoya Barfi

  • ਸੰਤ ਕਮਲਜੀਤ ਸਿੰਘ ਨਮਿਤ ਭੋਗ ਸਮਾਗਮ

    Date: 29 Jul 2010

    ਸ੍ਰੀ ਸਤਿਗੁਰੂ ਜਗਜੀਤ ਸਿੰਘ ਜੀ ਦੇ ਸ਼ਰਧਾਵਾਨ ਸਿੱਖ ਸੰਤ ਕਮਲਜੀਤ ਸਿੰਘ ਪੁੱਤਰ ਸੰਤ ਸੁਰਿੰਦਰ ਸਿੰਘ ਮੱਲੂਵਾਲ ਵਾਲੇ ੨੦ ਜੁਲਾਈ ੨੦੧੦ ਨੂੰ ਆਪਣੇ ਸਵਾਸਾਂ ਦੀ ਪੂੰਜੀ ਮੁਕਾ ਕੇ ਸ੍ਰੀ ਸਤਿਗੁਰੂ ਜੀ ਦੇ ਚਰਨਾਂ ਵਿੱਚ ਜਾ ਬਿਰਾਜੇ ਹਨ। ਉਹਨਾਂ ਦਾ ਜਨਮ ੨੦ ਅਕਤੂਬਰ ੧੯੫੫ ਦਾ ਸੀ। ਉਹ ਆਪਣੇ ਤਿੰਨ ਭਰਾਵਾਂ-ਸਰਬ ਸੰਤ ਇੰਦਰਜੀਤ ਸਿੰਘ, ਮਨਜੀਤ ਸਿੰਘ ਤੇ ਖੁਸ਼ਵਿੰਦਰ ਸਿੰਘ ਅਤੇ ਦੋ ਭੈਣਾਂ ਬੀਬੀ ਅੰਮ੍ਰਿਤ ਕੌਰ-ਸੰਤ ਜਸਬੀਰ ਸਿੰਘ ਦਿੱਲੀ ਅਤੇ ਬੀਬੀ ਗੁਰਜੀਤ ਕੌਰ-ਸੰਤ ਗੁਰਮੁਖ ਸਿੰਘ ਸ਼ਾਹ ਮਾਨਸਾ ਵਿੱਚੋਂ ਚੌਥੇ ਨੰਬਰ ’ਤੇ ਸਨ।

    ਸੰਤ ਕਮਲਜੀਤ ਸਿੰਘ ੨੦ ਜੁਲਾਈ ਨੂੰ ਆਪਣੇ ਇੱਕ ਸਾਥੀ ਨਾਲ ਅੰਮ੍ਰਿਤਸਰ ਜਾਣ ਲਈ ਨਵੀਂ ਦਿੱਲੀ ਸਟੇਸ਼ਨ ਤੇ ਪਹੁੰਚੇ। ਸ਼ਤਾਬਦੀ ਟਰੇਨ ਚੱਲਣ ਦਾ ਸਮਾਂ ਸੱਤ ਵੱਜ ਕੇ ਵੀਹ ਮਿੰਟ ਦਾ ਸੀ। ਜਦੋਂ ਇਹ ਗੱਡੀ ਵਿੱਚ ਆਪਣੀ ਸੀਟ ਤੇ ਬੈਠੇ, ਤਾਂ ਉਸੇ ਵਕਤ ਗੰਭੀਰ ਹਾਰਟ ਅਟੈਕ ਆਇਆ ਅਤੇ ਸੱਤ ਵੱਜ ਕੇ ਦਸ ਮਿੰਟ ਤੇ ਚੜ੍ਹਾਈ ਕਰ ਗਏ। ਸ਼ਾਮ ਨੂੰ ਹੀ ਉਹਨਾਂ ਦਾ ਸਸਕਾਰ ਪੰਜਾਬੀ ਬਾਗ ਸ਼ਮਸ਼ਾਨ ਭੂਮੀ ਵਿੱਚ ਕੀਤਾ ਗਿਆ। ਸਸਕਾਰ ਸਮੇਂ ਵੱਖ-ਵੱਖ ਪਾਰਟੀਆਂ ਦੇ ਆਗੂ, ਵਰਕਰ ਅਤੇ ਸਾਧ ਸੰਗਤ ਦਾ ਭਾਰੀ ਇਕੱਠ ਸੀ।

    ਉਹ ਕਾਲਜ ਸਮੇਂ ਤੋਂ ਹੀ ਰਾਜਨੀਤੀ ਅਤੇ ਖੇਡਾਂ ਵਿੱਚ ਵਿਸ਼ੇਸ਼ ਦਿਲਚਸਪੀ ਰੱਖਦੇ ਸਨ। ਉਹਨਾਂ ਸ਼ਿਵਾ ਜੀ ਕਾਲਜ ਵਿੱਚ ਪੜ੍ਹਦਿਆਂ ਆਪਣੇ ਰਾਜਨੀਤੀ ਅਤੇ ਖੇਡਾਂ ਪ੍ਰਤੀ ਰੁਝਾਨ ਨੂੰ ਹੋਰ ਪੱਕਿਆਂ ਕੀਤਾ। ਉਹ ਕ੍ਰਿਕਟ ਦੇ ਬਹੁਤ ਸ਼ੌਕੀਨ ਸਨ।

  • ਇਲਾਕਾ ਸ੍ਰੀ ਜੀਵਨ ਨਗਰ ਦੇ ਹੜ੍ਹ ਮਾਰੇ ਪਿੰਡਾਂ ਵਿੱਚ ਸ੍ਰੀ ਸਤਿਗੁਰੂ ਜੀ ਦੇ ਹੁਕਮ ਅਨੁਸਾਰ ਮਾਤਾ ਜੀ ਨੇ ਧਰਵਾਸ ਦਿੱਤਾ

    Date: 26 Jul 2010

    ਸ੍ਰੀ ਸਤਿਗੁਰੂ ਜਗਜੀਤ ਸਿੰਘ ਜੀ ਦੇ ਹੁਕਮ ਅਨੁਸਾਰ ਮਾਤਾ ਚੰਦ ਕੌਰ ਜੀ ਅਤੇ ਸੰਤ ਜੈ ਸਿੰਘ ਨੇ ਰਾਣੀਆਂ ਤਹਿਸੀਲ ਦੇ ਹੜ੍ਹ ਮਾਰੇ ਪਿੰਡਾਂ ਦਾ ਤੂਫਾਨੀ ਦੌਰਾ ਕੀਤਾ ਅਤੇ ਬਾਅਦ ਵਿੱਚ ਐਲਨਾਬਾਦ ਸ਼ਹਿਰ ਅਤੇ ਇਸ ਤਹਿਸੀਲ ਦੇ ਪਿੰਡਾਂ ਵਿੱਚ ਵੀ ਹੜ੍ਹ ਰੋਕੂ ਪ੍ਰਬੰਧ ਵਿੱਚ ਸਹਾਇਤਾ ਕਰਨ ਵਾਲੇ ਸਿੰਘਾਂ ਦਾ ਧੰਨਵਾਦ ਕੀਤਾ। ਉਹਨਾਂ ਪੀੜਤਾਂ ਦੇ ਮੁੜ ਵਸੇਬੇ ਲਈ ਰਾਹਤ ਕਾਰਜਾਂ ਵਿੱਚ ਜੀਅ-ਜਾਨ ਨਾਲ ਜੁਟ ਜਾਣ ਦਾ ਸ੍ਰੀ ਸਤਿਗੁਰੂ ਜੀ ਦਾ ਉਪਦੇਸ਼ ਦ੍ਰਿੜ ਕਰਵਾਇਆ। ਜ਼ਿਕਰਯੋਗ ਹੈ ਕਿ ਇਸ ਇਲਾਕੇ ਵਿੱਚ ਹੜ੍ਹਾਂ ਨੇ ਭਾਰੀ ਨੁਕਸਾਨ ਕੀਤਾ ਹੈ। ਸ੍ਰੀ ਸਤਿਗੁਰੂ ਜੀ ਨੇ ਮਾਤਾ ਜੀ ਅਤੇ ਹੋਰ ਸਿੱਖਾਂ ਸੇਵਕਾਂ ਹੜ੍ਹ ਪੀੜਤ ਲੋਕਾਂ ਦੀ ਹਰ ਤਰ੍ਹਾਂ ਦੀ ਮਦਦ ਲਈ ਹੁਕਮ ਕਰਕੇ ਭੇਜਿਆ ਹੈ। ਸੂਬਾ ਜਗੀਰ ਸਿੰਘ ਕਾਫੀ ਦਿਨਾਂ ਤੋਂ ਮਸਤਾਨਗੜ੍ਹ ਪਹੁੰਚੇ ਹੋਏ ਹਨ ਅਤੇ ਉਹ ਹੜ੍ਹ ਪੀੜਤ ਲੋਕਾਂ ਮਾਈਕ ਸਹਾਇਤਾ ਦੇ ਨਾਲ ਨਾਲ ਅੰਨ-ਦਾਣਾ ਵੀ ਵੰਡ ਰਹੇ ਹਨ।

  • ਰਾਏਕੋਟ ਦੇ ਨਾਮਧਾਰੀ ਸ਼ਹੀਦਾਂ ਨਮਿਤ ਮੇਲਾ 8 ਅਗਸਤ ਨੂੰ

    Date: 04 Aug 2010

    ਸ੍ਰੀ ਭੈਣੀ ਸਾਹਿਬ - ਰਾਏਕੋਟ ਵਿਖੇ ਗੁਰੂ ਗੋਬਿੰਦ ਸਿੰਘ ਜੀ ਦੀ ਯਾਦ ਵਿਚ ਬਣੇ ਗੁਰਦੁਆਰਾ ਟਾਹਲੀਆਣਾ ਦੇ ਕੋਲ ਅੰਗਰੇਜ਼ ਸਰਕਾਰ ਵਲੋਂ ਖੋਲ੍ਹੇ ਬੁੱਚਵਖਾਨੇ ਨੂੰ ਬੰਦ ਕਰਵਾਉਣ ਲਈ ਕੀ ਕਾਰਵਾਈ ਕਾਰਨ ਤਿੰਨ ਨਾਮਧਾਰੀ ਸਿੰਘਾਂ - ਸੰਤ ਮੰਗਲ ਸਿੰਘ, ਸੰਤ ਮਸਤਾਨ ਸਿੰਘ ਅਤੇ ਸੰਤ ਗੁਰਮੁਖ ਸਿੰਘ ਨੂੰ 5 ਅਗਸਤ 1871 ਨੂੰ ਫਾਂਸੀ ਦਿੱਤੀ ਗਈ। ਇਹਨਾਂ ਸ਼ਹੀਦਾਂ ਦੀ ਯਾਦ ਵਿੱਚ ਸ੍ਰੀ ਸਤਿਗੁਰੂ ਜਗਜੀਤ ਸਿੰਗ ਜੀ ਦੀ ਛਤਰ ਛਾਇਆ ਹੇਣ ਸ੍ਰੀ ਭੈਣੀ ਸਾਹਿਬ ਵਿਖੇ 8 ਅਗਸਤ 2010 (ਐਤਵਾਰ) ਨੂੰ ਮੇਲਾ ਮਨਾਇਆ ਜਾ ਰਿਹਾ ਹੈ।

Pages